يا"نورة الفايز"مادريتي عن آخر خبر؟؟! أدخلي سبق وشوفي دم "تالة"

يا"نورة الفايز"مادريتي عن آخر خبر؟؟!
أدخلي سبق وشوفي دم "تالة"

المصيبة والجريمة اللي هزت قلوب البشر
"تالا"البريئة راحت ضحية حقد العمالة

وش ذنبها تالا ماتت بساطورة نحر
يوم ودعتها أمها وراحت للرسالة

يا"نورة"لاتخلينا نقول منصبك غلطة عمر
وش قرارك في معلمات مكلومات وثكاله

وش قرارك في معلمات ماتن قهر
على أطفالهن يوم ماتوا على إيدين الحثالة

وش صنعتي للتعليم على مر الدهر؟؟؟؟؟
وين فنك وين ذوقك وين صنعك في مجاله

يابنت الرجال اللي كفو كلك نظر
أما تنحي عن منصبك والا أنهجي نهج الأصالة

ماغير يدك على الورق بس تنثر حبر
وين حلك للمشاكل وحال المعلمة يرثاله!

خمسة أيام اضطراري من صفر الى صفر
مدري في صالح التعليم والا هي نذالة

كل هذا ماهو الا نقطة من بحر
لاتغطيها قصيد ولاتغطيها مقالة

يالسيدة الفاضلة يكفينا التشتت والسفر
لو بغينا نسلك درب التوافق والكمالة

النظر في قضيتنا ثم النظر ثم النظر
أما حضانة لأطفالناوالا تقاعد واستقالة

معوضة خير يا"زينة"وفالك الصبر
على لسان بنات الوطن من يمينه لشماله

زينة هي أم تالة معلمة

كلمآت رآآآآآئعه ،